Sosial media nəhəngi Facebook-un komanda üzvlərinin məlumatına görə, şirkət Messenger, WhatsApp və Instagram tətbiqlərini birləşdirməyə hazırlaşır. Həmçinin mesajlaşma sisteminin daha yaxşı işləməsi üçün inkişaf planları üzərində çalışır. Buna əlavə olaraq, hər üç mesajlaşma xidmətini bir araya gətirəcək sistemin yüksək təhlükəsizliklə qorunacağı da bildirilib.
Layihənin mesajlaşma inteqrasiyası tərəfində çalışan dörd nəfər üzvdən əldə edilən bu məlumatı New York Times yayıb. Layihə daha sistematik və stabil çalışan bir mesajlaşma tətbiqi təqdim etməklə bərabər, WhatsApp istifadə edən istifadəçinin, Facebook və ya Instagram istifadə edən, amma WhatsApp istifadə etməyən bir istifadəçiyə ən təhlükəsiz şəkildə mesaj göndərə bilməsinə imkan verəcək.
Özlüyündə istifadəçilər arasında daha geniş bağlantı imkanları yaratma əsası daşıyacaq bu layihənin istifadəçilər tərəfindən necə qarşılanacağı sual altındadır.