Əfqan Muxtarlı. Foto: Elmir Mirzoyev

Həbsdə olan jurnalist Əfqan Muxtarlı media vasitəsilə ədliyyə naziri Fikrət Məmmədova müraciət edib.

Meydan TV yazır ki, həbsxanada dustaqlara verilən yeməklərin keyfiyyətinin aşağı olduğunu deyən jurnalist naziri saxlandığı 16 saylı cəzaçəkmə müəssisəsinə dəvət edib:

“Müdafiə nazirinin əsgərlərlə nahar etdiyi vaxtlar olub. Fikrət Məmmədov da həbsxanaya gəlsin və dustaqlara verilən yeməyin keyfiyyəti ilə, həbsxanadakı sosial durumla maraqlansın”

Ə.Muxarlı bildirib ki, həbsxana rəhbərliyi onun Ədliyyə Nazirliyinə yazdığı məktubları göndərməkdən imtina etdiyi üçün nazirə media vasitəsilə müraciət etməli olub.

Ötən həftə isə jurnalist həbsxana rəhbərliyinin ona qarşı təxribat hazırlaması ilə bağlı məlumat göndərib.

Nə baş verib: Gürcüstanda yaşayan araşdırmaçı jurnalist Əfqan Muxtarlı 2017-ci il mayın 29-da yaşadığı evin yaxınlığında oğurlanıb. Bundan sonra Azərbaycana gətirilib. O, dövlət sərhədini müəyyən edilmiş sənədlər olmadan və ya dövlət sərhədinin nəzarət-buraxılış məntəqələrindən kənarda keçmə (318.1) və qaçaqmalçılıq (206.1) maddələri üzrə təqsirli bilinib və 6 il müddətinə azadlıqdan məhrum edilib.

Şərhini yaz

Şərhinizi yazın
Adınızı daxil edin