“Apple” milli valyutanın dollara qarşı zəiflədiyi ölkələrdə “iPhone” smartfonlarını daha ucuz qiymətə satacaq.
Reuters yazır ki, bu barədə şirkətin rəhbəri Tim Kuk açıqlama verib.
O, ucuzlaşmanın səbəbini belə izah edib:
Braziliya, Türkiyə, Çin, Hindistan və Rusiyada məhsulların qiymətinə valyuta kurusu təzyiq göstərir. Bu cür problemlə üzləşdiyimiz ölkələrdə qiymətləri endirməyi düşünürük.
Qiymətlərin ilk növbədə Türkiyə və Çində aşağı düşəcəyi gözlənilir.
Nə baş verib: Son 10 ilin ən pis nəticələrini əldə edən “Apple” telefon satışlarına görə 700 milyon dollarlıq zərərə uğrayıb. Ötən aylarda 3 yeni “iPhone” modeli təqdim edilsə də, şirkət istədiyi satış hədəfinə çata bilməyib.
