Venesuela lideri Nikolas Maduro ABŞ prezidenti Donald Trampı ona qarşı sui-qəsd təşkil etməkdə ittiham edib.
Bu barədə RİA-ya danışan Maduro Trampın onu öldürmək üçün Kolumbiya hökuməti və mafiyaya göstəriş verdiyini deyib.
O, ABŞ-ın Venesuelanın dövlət neft şirkəti PDVSA-ya sanksiya tətbiq etməsinin qeyri-qanuni olduğunu qeyd edib.
Maduro sonda “bütün bu proseslərdən qalib çıxacağımı bilirəm”, deyərək özünə əminliyini dilə gətirib.
Nə baş verib: ABŞ hakimiyyətini saxlamağa çalışan Venesuela prezidenti Nikolas Maduronu qanunsuz lider elan edib, Quaydonu Venesuela prezidenti kimi tanıyıb. Yanvarın 28-də isə ABŞ Xəzinədarlıq Departamenti Venesuelanın PDVSA dövlət neft şirkətinə sanksiyalar tətbiq edib.
