Bu gün 31-də Müsavat Partiyasının üzvləri Azərbaycan Xalq Cümhuriyyətinin (AXC) banilərindən biri Məhəmməd Əminin Rəsulzadənin doğulduğu Novxanı kəndindəki heykəli önündə mitinq keçiriblər.
Azadlıq Radiosu yazır ki, saat 12:00-dan başlayan və bir saat davam edən mitinq M.Ə.Rəsulzadənin 135-ci doğum ilinə həsr edilib. Aksiya iştirakçıları əllərində M.Ə.Rəsulzadəyə məxsus “İnsanlara hürriyyət, millətlərə müstəqillik” sözlərinin yazıldığı iri plakat tutublar.
Mitinqdə çıxış edən Müsavat Partiyasının başqan müavini Səxavət Soltanlı M.Ə.Rəsulzadənin doğulduğu evin önünə vurulan barelyefin oğurlanması və sonradan vurulan lövhədə “cümhuriyyət” sözünün yer almamasına münasibət bildirib:
“Amma onlar nəyi silirlərsə, həmin anlayışlar insanların ürəyinə köçür”.
Partiyanın keçmiş sədri İsa Qəmbər və Müsavat Partiyasının başqanı Arif Hacılı da çıxış edib.
Saat 13:00-da isə həmin əraziyə Milli Şura üzvləri gəliblər.
AXCP sədri Əli Kərimli və Milli Şuranın sədri Cəmil Həsənli çıxış edərək M.Ə.Rəsulzadənin ictimai-siyasi fəaliyyətindən bəhs edib.
Nə baş verib: Yanvarın 31-i Azərbaycan Xalq Cümhuriyyətinin (AXC) qurucularından biri Məhəmməd Əmin Rəsulzadənin 135-ci doğum günüdür.
