Azərbaycanın ərazi bütövlüyü uğurunda həlak olan hərbi qulluqçulardan daha 661 şəhid hərbi qulluqçunun vərəsəsinə birdəfəlik müavinət verilməsi ilə bağlı qərar qəbul olunub.
Bununla bağlı Əmək və Əhalinin Sosial Müdafiəsi Nazirliyinin bu gün yaydığı məlumatda bildirilir. Yeni qərar 954 vərəsəni əhatə edir.
Bununla da indiyədək artıq 3758 hərbi qulluqçunun 5144 vərəsəsinə birdəfəlik ödəmənin verilməsinə dair qərar çıxarılıb.
Nə baş verib: Yanvarın 28-də prezident İlham Əliyev şəhid ailələri ilə görüşüb. Daha donra isə şəhid ailələri ilə bağlı fərman verib. Yeni fərmanla birdəfəlik ödəmənin əhatə dairəsi daha da genişlənib və artıq 12268 şəhidin vərəsələrini əhatə edir. Bunun üçün ümumilikdə 135 milyon manat vəsait nəzərdə tutulur.
