Polis. Foto: Turan

Abşeron Rayon Polis İdarəsi bu gün Novxanıda baş tutan yürüşlə bağlı rəsmi məlumat yayıb.

Məlumatda bildirilib ki, qabaqcadan xəbərdarlıq edilməsinə baxmayaraq, AXCP-nin aparıcı funksionerləri anım tədbirinin mahiyyətinə uyğun olmayan siyasi xarakterli şüarlar səsləndirərək ictimai asayişi pozmağa cəhd ediblər. Lakin bu cəhdin qarşısı polis əməkdaşları tərəfindən alınıb.

Rəsmi məlumatda mitinqdə iştirak edənlərin sayı da açıqlanıb:

Azərbaycan Xalq Partiyası 3, Klassik Azərbaycan Xalq Cəbhəsi Partiyası 25, Müsavat Partiyası 125, Azərbaycan Xalq Cəbhəsi Partiyası isə 135 – ümumilikdə 288 nəfərlə yürüş keçirilib.

Nə baş verib: Saat 11:00-dan 14:00-dək Abşeron rayonunun Novxanı kəndində Məmməd Əmin Rəsulzadənin anadan olmasının 135-ci ildönümü münasibətilə anım mərasimi keçirilib.

Şərhini yaz

Şərhinizi yazın
Adınızı daxil edin