Avropa Şurasının milli azlıqların qorunmasına dair Çərçivə Konvensiyası üzrə Konsultativ Komitəsinin Azərbaycan üzrə yeni rəyi ürəkaçan olmayıb.
Rəydə bildirilir ki, Azərbaycan cəmiyyəti mədəniyyətlərarası və dinlərarası dözümlülük ilə xarakterizə olunsa da, bu sahədə irəliləyiş istənilən səviyyədə deyil:
Milli azlıqlar üçün hərtərəfli qanunvericiliyin və konsultativ mexanizmlərin olmaması, həmçinin ifadə və toplaşma azadlığının məhdudlaşdırılması elə mühit yaradır ki, azlıqlar öz hüquqlarını tam şəkildə reallaşdıra bilmir.
Komitə təəssüflə qeyd edib ki, azlıqların dillərində radio ve televiziya yayımına mövcud maneələrin aradan qaldırılması ilə bağlı heç bir addım atılmayıb.
Bunu da oxu: Hökumət qəzetlərə ayırdığı maliyyə yardımı siyasətini dəyişdi
Azərbaycan tərəfinin rəy ilə bağlı şərhində isə deyilir ki, Azərbaycanda azlıqların hüquqları Azərbaycan ölkə konstitusiyası və digər hüquqi aktlarla qorunur:
Bu fonda Konsultativ Komitənin rəyində Azərbaycanda yaşayan milli azlıqların hüquqlarına hörmətlə yanaşılması, müdafiəsi və irəliləməsi ilə bağlı Azərbaycanın səylərini dəqiq əks etdirə bilməməsi təssüf doğurur.
