Gəncə hadisələrilə bağlı 88 nəfər barəsində həbs qətimkan tədbiri seçilib

Ötən ilin iyulunda Gəncənin icra başçısına qarşı edilən sui-qəsdlə bağlı 29 nəfər barəsində həbs qətimkan tədbirləri seçilib. Həmin şəxslərdən 11-i barəsində beynəlxalq axtarış elan olunub. Hazırda istintaq-əməliyyat tədbirləri davam etdirilir.

Elə həmin ay Gəncədə baş verən sonrakı hadisələr və iki polisin qətli ilə bağlı isə 59 nəfər barəsində həbs qətimkan tədbiri seçilib. 1 nəfər barəsində isə həbsli axtarış elan olunub.

Bu barədə Baş Prokurorluqda 2018-ci ildə görülmüş işlərin vəziyyəti və qarşıda duran vəzifələrin müzakirəsinə həsr olunan geniş kollegiya iclasında bildirilib.

Buna da bax: Elmar Vəliyevin müalicə olunduğu xəstəxananın qiymətləri nə qədərdir və bu xərcləri kim ödəməlidir?

Nə baş verib: 2018-ci il iyulun 3-də Gəncə Şəhər İcra Hakimiyyətinin başçısı Elmar Vəliyevə və bir polis serjantına silahlı sui-qəsd olub, onlar xəsarət alıblar. Hüquq-mühafizə qurumları iddia edir ki, bu, terror əməlidir və sui-qəsdi təşkil edən Y. Səfərovun əsas məqsədi Azərbaycanda şəriət qanunları ilə idarə olunan İslam dövləti qurmaq olub.

Rəsmi məlumata görə, bu sui-qəsddən bir qədər sonra iyulun 10-da Gəncədə 150-200 nəfərlik radikal dini qrupun keçirmək istədiyi aksiyada yüksək rütbəli polis zabitləri – İlqar Balakişiyev və Səməd Abbasov qətlə yetiriliblər.

Gəncədə polisin döyüldüyü iddia edilən video

Video Gəncə şəhərində çəkilib. İddialara görə bu gün baş verən hadisələrdə polis əməkdaşı bıçaqlanıb. Saxlanılanlar var.Gəncədə baş verənlərə bağlı foto video varsa bizə göndərə bilərsiniz.

Posted by Mikroskop Media on Tuesday, July 10, 2018

Şərhini yaz

Şərhinizi yazın
Adınızı daxil edin