Fevralın 11-də İranla sərhədi (Azərbaycanın “Göytəpə” sərhəd dəstəsinin Yardımlı rayonunun Buravar kəndi yaxınlığındakı postunun ərazisində) pozmağa cəhd edən Azərbaycan vətəndaşı Zülfüqar Seyfullayev öldürülüb.
Bu barədə Dövlət Sərhəd Xidmətinin mətbuat mərkəzi məlumat yayıb.
Məlumatda bildirilir ki, Zülfüqar Seyfullayev Azərbaycan sərhədçilərinin əmrinə tabe olmayıb:
“Dövlət sərhəddi haqqında” qanunun tələblərinə uyğun olaraq silahdan istifadə edilib və sərhəd pozucusu aldığı güllə yarasından hadisə yerində ölüb.
Hazırda Dövlət Sərhəd Xidməti və Hərbi Prokurorluq hadisə ilə əlaqədar əməliyyat-istintaq hərəkətləri həyata keçirir.
Azərbaycan sərhədlərində ən çox silahlı insident İranla sərhəddə qeydə alınır. İranla sərhəddə sonuncu silahlı insident 2018-ci il noyabrın 29-da “Göytəpə” sərhəd dəstəsinin xidməti ərazisində baş verib. Hadisə nəticəsində İran vətəndaşı Nəsiri Şəhzad Şekar yaralanıb.
