Pakistanda qadınların aksiyası. Foto: thenews.com

1983-cü il fevralın 12-də Pakistanda qadınlar “Pəncab Qadın Vəkillər Dərnəyi” general Məhəmməd Ziya-ül Haqqın hərbi diktatorluğun əleyhinə aksiya təşkil edib.

200-dən çox qadın aksiyaçı və vəkil məhkəmədə 1 kişinin şahidliyini 2 qadının şahidliyinə bərabər görən “Dəlil” qanununa qarşı yürüş edir. Aksiya iştirakçıları qanun əleyhinə ərizə vermək üçün Lahor Ali Məhkəməsinə doğru yürüş etməyi planlaşdırırdılar. Ancaq yolda polislər onları mühasirəyə alaraq dinc aksiyaya mane olur. Qadınların mübarizədən daşınmaq fikrində olmadığını başa düşən polislər onlara qarşı gözyaşardıcı qazlardan istifadə edir, dəyənəklərlə hücum edirlər. Onların çoxu yaralanır, 50-yə yaxın qadın saxlanılır.

12 fevral aksiyası din adı altında qadın haqqlarının qəsb edilməsinə qarşı təşkil edildi və nəticəsiz qalmadı. “Dəlil” qanunu tətbiq edilmədi. Bu isə qadın hərəkatlarının daha da güclənməsinə səbəb oldu.

12 fevral o gündən bəri Pakistanda “Milli qadınlar günü” olaraq qeyd edilir.

Şərhini yaz

Şərhinizi yazın
Adınızı daxil edin