Azərbaycanın ABŞ-dakı lobbiçisi Kemal Öksüz şərti olaraq 2 il azadlıqdan məhrum edilib, 20 000 dollar cərimə olunub.
Turan yazır ki, ona 2013-cü ildə konqresmenlərin Bakıya səfərini Azərbaycan Dövlət Neft Şirkətinin (SOCAR) maliyyələşdirilməsinin gizlədilməsi ilə bağlı ittiham irəli sürülüb.
K.Öksüz səfərin maliyyələşdirilməsi üçün şirkətdən pul aldığını, sonra isə gerçək maliyyə mənbəyini gizlətməklə Konqresin qaydalarını pozduğunu etiraf edib.
Nə baş verib: 2013-cü ildə Amerikanın 10 konqres və müxtəlif ştatlarının nümayəndələri Azərbaycana səfər edib. SOCAR həmin məqsədlə 2,2 mln. dollar ayırıb. 2015-ci il mayın 13-də “Washington Post” səfərin maliyyə mənbələrinin şübhəli olması haqda məqalə dərc etdikdən sonra bu iş ətrafında qalmaqal yaranıb.
ABŞ hakimiyyətindən gizlənən K.Öksüz ötən ilin avqustunda Ermənistanda həbs olunub. Üç ay Yerevan həbsxanasında qalıb. 2018-ci ilin noyabrında ABŞ-a qaytarılıb.
