Sahil Babayev. Foto: sosial.gov.az

Əmək pensiyasının minimum məbləği martın 1-dən 160 manata çatdırılacaq.

Report yazır ki, bu barədə əmək və əhalinin sosial müdafiəsi naziri Sahil Babayev keçirdiyi brifinqdə deyib.

Nazirin sözlərinə görə, əmək pensiyasının minimum məbləğinin artırılmasına dair qanunvericilik layihəsi hazırlanaraq Milli Məclisə təqdim olunub.

Minimum pensiya məbləğinin artırılması ümumilikdə 233 min pensiyaçını əhatə edəcək.

  • Onlardan 9 min nəfərin pensiyasında 93 faiz (75 manat),

  • 26 min nəfərin pensiyasında 30 faiz (37 manat),

  • 74 min nəfərin pensiyasında 16 faiz (27 manat) və s. artım olacaq.

  • 160 manatdan çox pensiya alan şəxslərin pensiyasında isə 3 faiz artım olacaq.

S.Babayev qeyd edib ki, bunun üçün nazirlik yanında Dövlət Sosial Müdafiə Fondundan cari ilin 10 ayı (mart-dekabr) üzrə 41 milyon manat əlavə vəsait yönəldiləcək.

  • İndiyə kimi əmək pensiyaları 116 manat (bir sıra kateqoriyalar üzrə 80 manat) idi.

Şərhini yaz

Şərhinizi yazın
Adınızı daxil edin