Vergilər naziri Mikayıl Cabbarov bu gün Bakıda keçirilən “Vergilər. Şəffaflıq. İnkişaf” adlı forumda milyonlarla manat verginin və sosial ödəmələrin büdcədən yayındırıldığını açıqlayıb.
Azərtac yazır ki, nazirin sözlərinə görə, 2019-cu il üzrə vergi xidmətinin əsas prioritetlərindən biri də kölgə iqtisadiyyatının aradan qaldırılmasıdır:
Vergi orqanlarının keçən il iri topdan satış müəssisələrində apardığı vergi nəzarəti tədbirləri zamanı 930 milyon manat, şəbəkə marketləri üzrə 122 milyon manat, özəl tibb xidmətləri sahəsində 230 milyon manatdan çox dövriyyənin gizlədildiyi aşkar olunub.
