“Hicab məhbusu” kimi tanınan Telman Şirəliyev. Foto: şəxsi arxiv / facebook

“Hicab məhbusu” kimi tanınan Telman Şirəliyev azadlığa çıxıb.

Bu barədə hüquq müdafiəçisi Oktay Gülalıyev bildirib.

O deyib ki, T.Şirəliyev Bakı Apellyasiya Məhkəməsinin qərarı ilə fevralın 18-də azad olunub.

Nə baş verib: T.Şirəliyev orta və ali məktəblərə hicabla getməyə icazə verilməməsinə etiraz olaraq 2012-ci ildə Təhsil Nazirliyi önündə keçirilmiş aksiyada iştirak edib və bu zaman saxlanaraq 6 il həbs cəzası alıb.

İkinci canayət işi: 2018-ci ildə 6 illik həbs müddətinin bitməsinə az qalmış T.Şirəliyevə əlavə cinayət işi açılıb. Bu dəfə isə T.Şirəliyevin yastığının altından deşici alət tapıldığı bildirilib. Buna görə Cinayət Məcəlləsinin 317.2-ci (Cəzaçəkmə müəssisələrində saxlanan şəxs tərəfindən qadağan olunmuş əşyaların hazırlanması, saxlanılması, gəzdirilməsi, daşınması və ya istifadəsi) maddəsi ilə ittiham edilib. Xətai Rayon Məhkəməsinin hökmünə əsasən, 5 ay 18 gün müddətinə azadlıqdan məhrum olunub.

  • Hüquq-müdafiə qurumlarının siyasi məhbus saydığı T.Şirəliyev həbsdə qalan sonuncu “hicab məhbusu” idi.

Şərhini yaz

Şərhinizi yazın
Adınızı daxil edin