İqtisadçı Rövşən Quliyev həbs olunub.
Bu barədə Azərbaycan Xalq Cəbhəsi Partiyasının (AXCP) sədri Əli Kərimli facebook-da yazıb.
O, həbs zamanı Rövşən Quliyevin evində axtarış olduğunu və kompüterininin aparıldığını qeyd edib:
Aydındır ki, iş siyasidir. Ancaq paradoks ondan ibarətdir ki, Rövşən bəy artıq uzun illərdir heç bir siyasi fəaliyyətlə məşğul deyil. Rövşən bəy ağır xəstədir, məhz səhhətində yaranmış ciddi promlemlə bağlı 4-5 il bundan qabaq partiyanın Rəyasət Heyətindən və ümumiyyətlə siyasətdən gedib.
Rövşən Quliyevin ağır xəstə olduğunu xüsusi vurğulayan partiya sədri onun təcili azad edilməsini tələb edib:
İlham Əliyevin və Ramil Usubovun nəzərinə çatdırıram ki, onlar Rövşən bəyin həyatı üçün məsuliyyət daşıyırlar. Rövşən bəy indi əlinizdədir, öyrənin görün necə ciddi xəstədir. Ailəsi ilə xəstəlik tarixini, hansı xəstəliklərdən necə müalicə aldığını dəqiqləşdirin. Rövşən bəyi təcili azad edin!.
Rövşən Quliyev AXCP-nin veteran üzvlərindəndir. Uzun müddət partiyanın Rəyasət Heyətində təmsil olunub.
