Milli Şuranın Məhsul stadionunda mitinqi. Foto: Turan

Milli Şuranın fevralın 23-də, “Məhsul” stadionunda keçirməyi planlaşdırdığı mitinqə razılıq verməyib. Mitinq təşkilatçılarına Bakı Şəhər İcra Hakimiyyətindən göndərilən məktubda qeyd olunub ki, buna səbəb 19 yanvar mitinqindən sonra baş verənlər olub.

Məktubda yazılıb ki, həmin mitinq başa çatandan sonra iştirakçılar nəqliyyatın hərəkətinə mane olub, sakinlərin dincliyini pozub və polisin qanuni tələbinə tabe olmayıb, bunlar da vətəndaşların narazılığına səbəb olub.

BŞİH bunu əsas gətirərək mitinqin keçirilməsini məqsədəuyğun hesab etməyib.

Sonuncu mitinq nə vaxt olub: Milli Şura digər müxalifət partiyaları ilə birlikdə sonuncu dəfə yanvarın 19-da mitinq keçirib. Həmin mitinqin əsas tələbi bloqqer Mehman Hüseynovun azad edilməsi ilə bağlı olub. 26 yanvarda da mitinq keçirmək barədə BŞİH-ə müraciət edilsə də, icazə verilməyib.

Şərhini yaz

Şərhinizi yazın
Adınızı daxil edin