Avropa Məhkəməsi. Foto: John Edward Linden

Bu gün Avropa Məhkəməsi Azərbaycan hökumətini 2009-cu ildə həbsxana xəstəxanasında vəfat etmiş jurnalist Novruzəli Məmmədova görə cərimələyib.

Məhkəmə hesab edib ki, mərhum jurnalistə münasibətdə onun yaşamaq (prosedur), işgəncələrə, qeyri-insanı rəftara məruz qalmamaq, azadlıq və toxunulmazlıq hüququ pozulub.

Hökumət mərhum jurnalistin ailəsinə 24 min avro ödəməlidir.

Nə baş verib: Novruzəli Məmmədov “Tolışi sədo” qəzetində baş redaktor, AMEA Nəsimi adına Dilçilik İnstitutun german-roman dilləri şöbəsinin rəhbəri kimi fəaliyyət göstərib.
24 iyun 2008-ci ildə Ağır Cinayətlərə Dair İşlər Üzrə Məhkəmə Novruzəli Məmmədovu CM-nin 274-cü maddəsilə (dövlətə xəyanət) təqsirli bilib. O, əmlakı müsadirə olunmaqla 10 il müddətinə (ciddi rejimli cəza çəkmə müəssisəsində çəkməklə) azadlıqdan məhrumetmə çəzasına məhkum edilib. Jurnalist 17 avqust 2009-cu ildə Bakı həbsxanasında müəmmalı şəkildə vəfat edib.

Şərhini yaz

Şərhinizi yazın
Adınızı daxil edin