Polislə müsavatçılar arasında qarşıdurma. Foto: mikroskop media

26 fevral Xocalı faciəsinin il dönümü ilə əlaqədar Xocalı abidəsini ziyarət etmək istəyən Müsavat Partiyası başqanı və bir qrup partiya üzvünə polis mane olub və anım tədbirində qarşıdurma yaranıb.

Partiya sədri Arif Hacılı hesab edir ki, hakimiyyət müxalifətçilərin xalqın içində olmasından çəkinir:

Hər şey göz önündədir, hər dəfə bir problem yaradırlar. Insanların bir yerə toplaşmasından, müxalifətçilərin xalqın içində olmasından çəkinirlər. 20 yanvarda da buna oxşar problemlər yaratmışdılar, indi də eyni problem yaratdılar. Biz sadəcə gül qoymaq istəyirdik. Bu abidənin açılışında 19993-cü ildə Azərbaycan dövlətini, hökuməti mən təmsil etmişəm. Müsavat Partiyası başqanının abidə önünə gül qoymağına imkan vermədilər.

Tədbirdə qarşılaşdıqları əngəl haqqında danışan MSDM sədri İsa Qəmbər bunu biyabırçılıq kimi qiymətləndirib:

Onlar rəsmən dedilər ki, burada sərhəd var. Biz soruşduq ki, saxta sərhədin birini ermənilər çəkiblər Qarabağda, Azərbaycan xalqını ora buraxmırlar. Siz də ikinci sərhədi Xocalı abidəsilə yanaşı çəkib bizi ora buraxmırsız. Tam özlərini ifşa edirlər, tam biyabırçılıqdır. Xocalı faciəsi günü hakimiyyətin belə bir əməliyyat keçirməsi onun tam iflasıdır. Artıq hakimiyyət özünün bu xalqdan olmadığını faktiki oaraq etiraf etmiş oldu.

Partiya üzvlərinin yaydığı məlumata görə, hadisə zamanı partiya üzvü Mehman Kərimli infarkt keçirib.

  • Partiya sədri deyib ki, məqsədləri aksiya keçirmək yox, sadəcə Xocalını anım tədbiri etmək olub.

Şərhini yaz

Şərhinizi yazın
Adınızı daxil edin