Müsavat Gənclər Təşkilatının sədri Əbülfəz Sadıqbəylinin məhkəmə prosesi martın 6-a təxirə salınıb. Qardaşı Vasif Sadıqbəylinin Mikroskop-a verdiyi məlumata görə, dövlət ittihamçısı son söz üçün vaxt istəyib.
Proses bu gün Qaradağ rayon Məhkəməsində baş tutub.
Nə baş verib: Əbülfəz Sadıqbəyli 2018-ci ilin noyabrında həbs edilib. Ayın 21-də Səbail Rayon Məhkəməsi onun barəsində 3 aylıq həbs qətimkan tədbiri seçib. Gənc fəala dələduzluq və saxta sənəd hazırlayıb ondan istifadə etmək ittihamı verilib.
Müsavat Partiyası bəyan edib ki, Əbülfəz Sadıqbəyli siyasi motivlərlə həbs olunub.
