Pakistan bu gün Hindistan Hava Qüvvələrinə məxsus 2 hərbi təyyarəni vurub.
Euronews yazır ki, Pakistan mediasının yaydığı xəbərlərə görə həmin qırıcı təyyarələr ölkənin hava məkanını pozub. Qırıcı təyyarələrin Cammu və Kəşmir bölgəsinə düşdüyü bildirilir. Qırıcıların vurulması nəticəsində 1 hindistanlı polis, 2 pilot və 1 nəfər sıravi vətəndaş ölüb.
Bildirilir ki, hücumdan az sonra Pakistan Hava Qüvvətlərinə məxsus 3 hərbi təyyarə Hindistanın hava məkanına daxil olub. F-16-ların Cammu, Kəşmir və Norşeva ərazisində uçduğu açıqlanıb. Hindistan qırıcılarının etdiyi həmlələrdən sonra Pakistan təyyarələri ölkədən çıxıb.
Nə baş verib: Fevralın 14-də Kaşmirdə intihar hücumu nəticəsində 40 nəfər ölüb. Bu isə iki nüvə ölkəsi Pakistan ilə Hindistan arasındakı gərginliyi daha da artırıb. Hindistan bu hücumu Pakistanın təşkil etdiyindən əmin olduğunu deyir. Pakistan isə qarşı tərəfi müharibə ilə təhdid edib.
