27 fevral Dünya Rəssamlar Günüdür. Rəssamların həyat və yaradıcılığı haqda bir çox detalın yer aldığı kifayət qədər çox film çəkilib.
Mikroskop rəssamlar haqqında çəkilmiş filmlərdən bir neçəsini təqdim edir:
1
Frida
Üsyankar təbiəti, enerjisi və əzablara meydan oxuyan ruhu ilə Frida heç kimin diqqətindən yayına bilməz. Filmdə Frida ilə Meksikanın o dövrdəki ən məşhur rəssamı Dieqo Rivyera arasındakı qəribə eşq əhvalatı da təsvir olunub. Filmin musiqisi isə ayrıca diqqətə layiqdir, hətta “Ən orijinal film musiqisi” nominasiyasında “Oskar”a layiq görülüb.
2
Modigliani (Modilyani)
Rejissor Maykl Devis bioqrafiya elementləri ilə məşhur rəssam Modilyani barədə dram yaradıb. Filmdə Modilyani və Pikasso arasındakı sərt rəqabət, onların təkəbbürü, ehtirasları barədə maraqlı səhnələr yer alıb. Modilyaninin eşqlə ərsəyə gətirdiyi qadın təsvirlərinin ardındakı məna sizi valeh edəcək.
3
Girl with a Pearl Earring (Mirvari sırğalı qız)
1665-ci il, Hollandiyanın Delft şəhəri. 16 yaşlı Qriyet xidmətçi olaraq rəssam Yohannes Vermeyerin evinə gəlir. Tezliklə o, üzərində rəssamın diqqətini hiss edir. Bir dəfə Vermeyer Qriyetə yeni əsəri üçün poza verməyi təklif edir. Beləliklə də məşhur şedevr yaranır.
4
Lust for Life (Həyat eşqi)
Film yaşadığı dövrdə qəbul edilməyən rəssam Vinsent Van Qoqun faciəvi taleyi barədədir. İrvinq Stonun “Yaşamaq yanğısı” əsəri əsasında ərsəyə çəkilib. Məşhur rəssam haqqında çəkilmiş ən uğurlu filmlərdən biri hesab edilir.
5
Factory Girl (Mən Endi Uorholun ağlını başından aldım)
Endi Uorhol – pomidor supunun bankasını kult əşyaya çevirən rəssam və rejissor. O, Nyu-Yorkda yerləşən məşhur “Fabrika” klubunun təsisçisidir. Burada Uorhol öz muzası İdi Secviklə tanış olur.
6
Little Ashes (Keçmişin sədaları)
Federiko Qarsiya Lorko ilə Salvador Dali arasındakı dostluqdan bəhs edir. Filmin adı Salvador Dalinin 1927- ci ildə yaratdığı sürrealist əsərdən götürülüb. Dali bütün həyatı boyu deyib ki, Federiko ilə tanışlıq onun həyatının ən vacib hadisələrindən biridir.
7
My Left Foot (Mənim sol ayağım)
Film irlandiyalı yazıçı və rəssam Kristi Braunun həyatını əks etdirir. O, bütün ömrü boyu sağalmaz xəstəlikdən – serebral iflicdən əziyyət çəkib. Braunun anasına və ailəsinə sevgisi onu həyatdan küsməyə qoymayıb. Cəsarətli rəssam şikəst və yarasız adam olmağı qəbul etmir və sol ayağının barmaqları ilə rəsm çəkməyə başlayır. “My left foot” iki “Oskar” mükafatı qazanıb.
