Fəxrəddin Abbasovu Bakı Beynəlxalq Hava Limanında Azərbaycan hüquq-mühafizə orqanları saxlayıb və o, istintaqa cəlb edilib.
Bu barədə DTX-nin mətbuat xidmətinin yaydığı məlumata görə, bu fevralın 28-də, Fəxrəddin Abbasovun Rusiyada müvəqqəti yaşamaq hüququ müddətinin bitməsi ilə əlaqədar məhkəmənin deportasiya haqqında qərarı icra olunarkən baş verib.
Hazırda onunla bağlı istintaq araşdırmaları davam etdirilir.
Nə baş verib: F.Abbasov Azərbaycan tərəfinin sorğusu ilə 2018-ci ilin sentyabrında Moskvada saxlanılıb. Azərbaycanda onun barəsində cinayət işi 2018-ci il iyulun12-də Səbail Rayon Məhkəməsinin qərarı ilə açılıb. Azərbaycanda separatçılıqda ittiham edilən F. Abbasovun Moskva ətrafında Lyuberets şəhər istintaq təcridxanasından yoxa çıxdığı bildirilirdi. “Amnesty İnternational” təşkilatının məlumatına görə, fevralın 28-də F.Abbasovun məhkəməsi olmalı idi, lakin onun yeri bilinmədiyindən prosesi martın 18-ə qədər təxirə salıblar.
