15 sutka həbs cəzası alan AXCP üzvləri;
Partiyanın təşkilat şöbəsinin sədri Saqif Qurbanov,
Gənclər Komitəsinin üzvü Məhərrəm Rzayev
Partiyanın Nəsimi şöbəsinin fəalı Tofiq Məmmədovun bu gün Bakı Apelyasiya Məhkəməsində şikayətinə baxılıb.
Meydan TV yazır ki, vəkil AXCP üzvlərinin saxlandığı yerlərdəki kameraların görüntüləri və onların telefonla danışıqları barədə mobil operatorlardan çıxarışların alınması barədə vəsatətlər qaldırsa da təmin olunmayıb.
Cəbhəçilərin apelyasiya şikayətlərinin heç biri təmin olunmadığı üçün onların yaxınları bu qərarlardan Avropa Məhkəməsinə şikayət edəcəklərini bildiriblər.
Nə baş verib: Saxlanılan AXCP üzvləri küçədə telefonla danışarkən söyüş söymək və onlara irad bildirən polis əməkdaşına müqavimət göstərməkdə ittiham olunur. Sənədlərdə onların ayrı-ayrılıqda, müxtəlif ərazilərdə tutulduğu yazılsa da, hamısına qarşı ittiham eynidir. AXCP üzvləri isə bildiriblər ki, onlar nə küçədə söyüş söyüblər, nə də polisə müqavimət göstəriblər. Cəbhəçilərin sözlərinə görə, onları evdən tutub aparıblar.
