“Game of Thrones” serialının final sezonunun treyleri nədən xəbər verir?

Bu il sonuncu mövsümü yayımlanacaq “Game of Thrones” (Taxt oyunları) serialının treyleri təqdim edilib. Son mövsüm 14 apreldə yayımlanacaq.

Insider treylerdəki səhnələri təhlil edib.

Treyler Arya Starkın səhnəsi ilə açılır. Arya üzündə qan ləkəsi, əlində xəncər və qorxu dolu baxışlarla qaçmağa başlayır. Onun düşməndən qaçdığı anlaşılır, ancaq kimdən qaçdığı göstərilmir. Bu səhnə ölülər ordusunun döyüş zamanı “Winterfell” divarlarını yıxdığına işarə ola bilər.

Səhnələr arasında keçidlər edilir və Arya Starkın bu sözləri eşidilir:

Mən ölümlə tanışam. Onun bir çox üzü var (burada hansısa şəxs nəzərdə tutulur). Buna şahid olmağı dörd gözlə gözləyirəm

Edd, Tormund və Berici obrazlarının hələ də yaşadığını öyrənmək sürpriz olur.

Foto: HBO

Treylerin sürprizlərindən biri də yeni bir obrazın – Herri Strikləndin seriala daxil olmasıdır.

Müharibəyə hazırlaşan və alov püskürdən əjdəhalar serialın son mövsümünün qaranlıq atmosferini tamamlayır.

“Game of Thrones”un yeni treylerindən səhnə. Foto: HBO

Sonda treyler serialın bütün fanatlarını 14 aprelə kimi yuxusuz qoyacaq səhnə ilə qapanır – “Winterfell”ə doğru gələn ölümsüz atlardan birinin ayaqları görünür.

Foto: HBO