ABŞ-ın film və serial servisi “Netflix” Qabriel Qarsiya Markezin “Yüz ilin tənhalığı” əsəri əsasında serial çəkməyi planlaşdırır.
Müəllif hüquqlarını alan şirkət serialı ispan dilində çəkəcək. Serialın produserləri Markezin oğulları olacaq. Hələlik şirkət bundan başqa məlumat vermir.
1967-ci ildə yazılan roman bu günə qədər heç vaxt film və ya serial şəklində ekranlaşdırılmayıb.
-
“Yüz ilin tənhalığı” Qabriel Qarsiya Markezin magik-realizm janrında yazdığı ən məşhur əsərlərindən biridir və 46 dilə tərcümə edilib. Siyahıda Azərbaycan dili də var.
-
Romanda Buendia nəslinin tarixçəsindən, bu nəslin meydana çıxması, yüksəlişi və məhvi haqqında danışılır.
