Azərbaycan Xalq Cəbhəsi Partiyasının (AXCP) dünən saxlanan fəalı Nicat Abdullazadəyə 15 sutka inzibati həbs cəzası verilib.
Azadlıq Radiosu yazır ki, bu barədə Xətai Rayon Məhkəməsi qərar çıxarıb. Partiyadan verilən məlumata görə, qərar rəsmi olaraq elan olunmayıb:
Ona görə də ittiham olaraq nə yazdıqlarını dəqiq bilmirik. Yenə də “polisin qanuni əmrinə tabe olmama” kimi ənənəvi ittihamdan istifadə edə bilərlər
Nə baş verib: Martın 6-da AXCP-nin daha bir neçə fəalı saxlanılıb. Fəallardan Nicat Abdullazadə, Fərid Əsədov və Əli İmanxanlı bu partiyanın Suraxanı şöbəsinin gənclər təşkilatının sədri Xəlqi Hüseynə baş çəkmək üçün getdikləri xəstəxanadan qayıdarkən saxlanılıblar. F.Əsədov və Ə.İmanxanlı bir-iki saatdan sonra sərbəst buraxılıb, N.Abdullazadə isə qalıb.
