Yale Universiteti. Foto: Reuters

Amerika Birləşmiş Ştatlarında (ABŞ) Hollivud ulduzları da daxil olmaqla 50 nəfər rüşvət verməkdə ittiham edilir.

Euronews yazır ki, varlı amerikalılar övladlarını Yale, Stanford və Georgetown kimi universitetlərə göndərmək üçün 10 milyon dollara yaxın rüşvət verib.

Boston ştatının federal məhkəmə sənədlərinə görə 2011-2019-cu illərdə adı açıqlanmayan 50 nəfər məsləhət firmasına ümumilikdə 25 milyon dollar ödəyib.

Firma həmin pulun bir hissəsi ilə universitet müəllimlərinə rüşvət verib. Beləliklə idmanla məşğul olmayan gənclər belə universitetin idmanla bağlı fakultələrinə qəbul edilib.

Firma universitetə qəbul imtahanını təşkil edənlərə də rüşvət verib. Bununla varlı ailələrin övladlarının əvəzinə imtahanı başqa şəxslərin verməsinə icazə alınıb.

Rüşvət qalmaqalında hansı məşhurların adı hallanır?

Lori Loklin və onun həyat yoldaşı, həmçinin geyim brendi “Mossimo”nun qurucusu Mossimo Giannulli iki qızlarının Cənubi Karolin Universitetində oxuya bilməsi üçün 2016 və 2017-ci illərdə 500 min dollar rüşvət verib.

“Desperate Housewives” (“Ümidsiz ev qadınları”) serialından tanınan Felisiti Haffman da 2017-ci ildə böyük qızının əvəzinə qəbul imtahanına başqasının daxil edilməsi üçün 15 min dollar rüşvət verib. Onun ikinci qızı üçün də eyni üsuldan istifadə etməyi planlaşdırdığı iddia edilir.

“The Oprah Winfrey Show” ilə tanınan Ceyn Bakinqem da kollecə qəbul imtihanına oğlunun əvəzinə başqasını daxil etməkdə ittiham olunur.

Duqlas Hodc, Manuel Henriquez, Qordon Kaplan da oxşar ittihamlarla üzləşib.

Şərhini yaz

Şərhinizi yazın
Adınızı daxil edin