Adil İsmayılov, Anar Bağırov. Foto: şəxsi arxiv / facebook. Kollaj: mikroskop media

Azərbaycan Vəkillər Kollegiyası vəkil Adil İsmayılovla bağlı intizam icraatına başlayıb.

Kollegiyanın Rəyasət Heyətinin sədri Anar Bağırov “Amerikanın Səsi”nə müsahibəsində xəbəri təsdiqləyib. O, bunun səbəbini belə izah edib:

Vəkillər Kollegiyası haqqında təhqir, uydurma və yalan məlumatlar yayılması, cinayətdə ittiham etməsi, vəkilləri təhqir etməsi faktları var. Bununla bağlı vəkillər tərəfindən edilən şikayətlər var

Adil İsmayılovun qurumla bağlı Facebook sosial şəbəkəsində yazdığı suallar haqqında da danışan A.Bağırov deyib ki, vəkil onları ilk olaraq birbaşa kollegiyaya ünvanlamalı idi.
A.İsmayılov isə hələ də suallarına cavab almadığını və bu sualları ünvanlamağın onun haqqı olduğunu deyir:

Haqqım çatır ki, məndən alınan üzvülük haqqı, sığorta pulu, başqa pullar da alırlar, bu pulların hara xərclənməsini öyrənmək üçün sual verim

O, vəkillik institutunda aparılan islahatları da effektiv saymır:

Vəkillər əvvəllər 52 manat üzvülük haqqlı verirdi, sonra bunu 72 manat etdilər. Mən danışandan sonra bir az aşağı ediblər, indi 60 manatdır. Bir marka pulu çıxarıblar. Hər vəkil hər bir məhkəmə işinə görə 10 manat marka pulu verməlidir. Təsəvvür edin, 1500 vəkil var. Hər vəkil hər ay 3 işə çıxsa, bəzi vəkillər daha çox işə çıxır. Hər vəkil ayda 30 manat verərsə, bu, ayda 45 min manat edir. Bunların islahatları budur

Nə baş verib: Vəkil Adil İsmayılov martın 7-də Facebook sosial şəbəkəsində Vəkillər Kollegiyasına bu qurumun büdcəsindən xərclənən vəsaitlər, kollegiyaya və onun nəznindəki qurumlara ayrılan pullarla bağlı sualların olduğu sorğu ünvanlayıb. Martın 7-də dərc olunan sorğu ilə bağlı Anar Bağırov öz Facebook səhifəsində cavab verib və sorğuda yalan məlumatların yazıldığını qeyd edib. A.Bağırov cavabında onu da əlavə edib ki, məqsəd qurumun işinə kölgə salmaqdır.

Şərhini yaz

Şərhinizi yazın
Adınızı daxil edin