Novruz Məmmədov hesabat verir. Foto: Azərtac

Azərbaycan Milli Məclisinin bu gün keçirilən plenar iclasında Nazirlər Kabinetinin 2018-ci il üzrə fəaliyyəti haqqında Baş nazir Novruz Məmmədov hesabat verib.

ONA yazır ki, Baş nazir ötən dövrdə valyuta ehtiyatlarının 3 milyard dollar artdığını və büdcənin gəlirlərinin proqnozdan 360 milyon manat çox olduğunu deyib.

Sosial mənzillərin də satışına başlanıb. Keçən il büdcə xərclərinin 7,2 milyard manatı sosial yönümlü olub. Pensiyaların məbləği 6 faizdən çox artıb. 2018-ci ilin sonuna qədər şəhid ailələrinə 34 milyon manat birdəfəlik ödəniş verilib

Hesabatda diqqət çəkən digər rəqəmlər:

  • Yol infrastrukturuna 1,7 milyard manat vəsait yönəldilib. Əsaslı təmir edilən, yeni çəkilən yollar 2000 kilometr olub.

  • İki təyyarə, 56 lokomotiv alınıb.

  • 19,2 milyard kubmetr qaz istehsal edilib

  • Qum-çınqıl karxanaları 12,3 milyon manat cərimələnib.

  • 451,5 milyon manat investisiya hesabına 568 kilometrdən artıq suvarma kanallarının bərpa işləri aparılıb. Nəticədə 2017-ci illə müqayisədə 2018-ci ildə kənd təsərrüfatı məhsullarının istehsalı 4,2 faiz artıb

  • 800-ə qədər məktəb və uşaq bağçası tikilib, yenidən qurulub, 8 120 yerlik modul tipli məktəblər istifadəyə verilib.

  • Azərbaycan idmançıları beynəlxalq yarışlarda 753 medal qazanıb.

  • Sumqayıt Kimya Parkında karbamid zavodu fəaliyyətə başlayıb (Zavodun məhsullarının xarici ölkələrə satışından hər il 160 milyon dollar gəlir əldə edilməsi gözlənilir). Türkiyədəki “Star” zavodu isə ölkəyə ilk 5 ildə hər il 850 milyon dollardan çox gəlir gətirəcək.

Şərhini yaz

Şərhinizi yazın
Adınızı daxil edin