Türkiyə prezidenti Rəcəb Tayyib Ərdoğan dünən Hollandiyanın Utrext şəhərində törədilən silahlı hücum haqqında danışıb.
Euronews yazır ki, Ərdoğan Türkiyə Milli Kəşfiyyat Təşkilatının hücumun səbəblərini araşdırdığını deyib:
Bunun terror hücumu, yoxsa şəxsi məsələdən qaynaqlanan şiddət hadisəsimi olduğu araşdırılır. Kəşfiyyat Təşkilatımız məsələ ilə məşğul olur
Ərdoğan martın 12-də, Yeni Zelandiyada baş tutan silahlı hücumu xatırladaraq Avropanı 50 nəfərin ölümünə səssiz qalmaqda ittiham edib
Nə baş verib: Hollandiyanın Utrext şəhərində, tramvaya edilən silahlı hücum nəticəsində 3 nəfər ölüb, 3 nəfər isə yaralanıb. Polis tramvayda atəş açan şəxsin 37 yaşlı, türkiyəli Gökmen Tanış olduğunu açıqlayıb. Bundan öncə 12 martda Yeni Zelandiyada Breton Tarrant adlı şəxs terror törədib. O, 2 məscidə hücum edərək silahla atəş açıb və nəticədə 50 nəfər ölüb. İki hadisə arasında əlaqə olub-olmadığı bilinmir.
