Leyla İsmayılzadə siyasi məhbuslara edilən işgəncələr barədə tədbirdə çıxış edir. Foto mikroskop media

Müsəlman Birliyi Hərəkatının sədri Taleh Bağırzadənin həyat yoldaşı Leyla İsmayılzadə həbsxanaya telefon keçirməyə cəhd etməkdə ittiham olunur. Ədliyyə Nazirliyi Penitensiar Xidmətin yaydığı məlumata görə, həyat yoldaşı ilə qısa müddətli görüşə gətirdiyi sovqat və əşyalara baxış keçirilib. Bu zaman uşaq çantasından “Samsung” markalı telefon və danışıq kartı tapılıb.

Araşdırma başladılıb.

Hüquqşünas Samirə Ağayeva deyir ki, belə olan halda araşdırma aparılandan sonra cinayət işi açılır:

“Cinayət Məcəlləsinin 317.1-ci maddəsi ilə cinayət işi açıla bilər. Əgər təqsiri sübuta yetirilərsə, Leyla İsmayılzadə 2 min manata qədər cərimə oluna, iki il islah işlərinə cəlb oluna və ya iki il azadlıqdan məhrum edilə bilər”.