Bakının 8-ci kilometr adlanan ərazisindəki “Diqlas” Ticarət Mərkəzində başlayan yanğın böyüyüb və ərazidəki bir neçə obyekti də bürüyüb.
Report yazır ki, ərazidəki insanlar təxliyyə edilib, tüstüdən zəhərlənən bir neçə nəfər də xəstəxanaya aparılıb.
Hazırda yanğının söndürülməsinə Fövqəladə Hallar Nazirliyinin Aviasiya dəstəsinin 2 helikopteri cəlb olunub.
Yanğınla əlaqədar Qara Qarayev prospektində hərəkət məhdudlaşdırılıb.
Hazırda fövqəladə hallar naziri Kamələddin Heydərov, Nizami Rayon İcra Hakimiyyətinin başçısı Arif Qasımov, daxili işlər nazirinin müavini Oruc Zalov və digər rəsmilər hadisə yerindədirlər.
