Kosmosa yollanacaq olan kosmanat qadınlardan biri Christina Koch. Foto: Kirill Kudryavtsev / AFP

ABŞ-ın Milli Aeronavtika və Kosmik Tədqiqatlar Agentliyi (NASA) qadınların martın 29-da baş tutacaq “kosmos gəzintisi”nin təxirə salındığını açıqlayıb. Insider yazır ki, tarixdə ilk dəfə baş tutmağı gözlənilən səfərin baş tutmamasına səbəb qadın kosmonavtların bədən ölçüsünə uyğun skafandrın tapılmamasıdır.

Məlumata görə, kosmonavtlar Enn Makkleyn və Kristina Koxun eyni ölçüdə skafandr geyinməli olduğu anlaşılıb. Amma NASA səfər tarixinə kimi qadın bədəninə uyğun ancaq bir skafandr hazırlaya biləcək. Həmin skafandrı isə K.Koxun geyinməsinə qərar verilib. K.Koxu kişi həmkarı Nik Heyk müşayiət edəcək.

Nə baş verib: NASA bu ayın əvvəli yalnız qadınlardan ibarət kosmonavt qrupunun “kosmos gəzintisi”nə çıxacacağını elan edib. 18 ildə 210-dan çox kosmos gəzintiləri təşkil edilib, onların yalnız 2-də qadınlar iştirak edib. Bu dəfə isə məhz Qadınların Tarixi Ayı elan edilən – martda bu səfərin baş tutması planlaşdırılmışdı. Bu, təkcə qadınların idarə etdiyi ilk kosmos səfəri olacaqdı. Kosmonavtlar 7 saat ərzində Beynəlxalq Kosmik Stansiyadan çıxaraq ötən il yerləşdirilən batareyaları dəyişdirməli idilər.

  • Svetlana Savitskaya 25 iyul 1984-cü ildə, 3 saat 35 dəqiqə stansiyadan çöldə qalaraq kosmosda yeriyən ilk qadın olub. Daha öncə N.Heyk ilə kosmosa gedən E.Makkleyn kosmosda yeriyən 13-cü qadın olaraq tarixə adını yazdırıb. K.Kox isə 14-cü qadın olacaq.