Nizami Rayon İcra Hakimiyyətində (RİH) “Diqlas” Ticarət Mərkəzinin yanması nəticəsində zərər çəkən sahibkarların bir qismi ilə görüş keçirilib.
Report yazır ki, görüşdə olan Prezident Administrasiyasının nümayəndəsi Hüseyn Mövsümov sahibkarlara dəymiş bütün zərərin dövlət tərəfindən ödəniləcəyini deyib.
O deyib ki, məsələni prezident və birinci vitse-prezident nəzarətə götürüb.
Hələlik kompensasiyanın verilməsi üçün vaxt müəyyən edilməyib. Dəymiş zərərə görə siyahıyaalınma işləri aparılır.
Nə baş verib: Bakının Nizami Rayonu ərazisində yerləşən “Diqlas” ticarət mərkəzində yanğın olub. Təxminən 1000 kv metr ərazidə yerləşən 4 mərtəbəli “Diqlas” ticarət mərkəzində yüzlərlə mağaza külə dönüb. Sahibkarlara 100 minlərlə manat dəyərində ziyan dəyib.
