Sumqayıt Şəhər Prokurorluğu 6 gün əvvəl baş verən partlayışla bağlı məlumat yayıb.
İlkin araşdırmalarla martın 22-də Sumqayıtda, «STP-3 Metaləritmə» zavodundakı partlayışa poladəritmə sexində metalın əriyib sobanın soyutma radiatoruna tökülməsinin səbəb olduğu müəyyənləşib.
Hadisə nəticəsində 3 nəfər yanıq xəsarətləri ilə xəstəxanaya yerləşdirilib, 1 nəfər vəfat edib.
Faktla bağlı Sumqayıt şəhər prokurorluğunda Cinayət Məcəlləsinin 162.2-ci (əmək mühafizəsi qaydalarını pozma ehtiyatsızlıqdan insan ölümünə səbəb olduqda) maddəsi ilə cinayət işi başlanıb.
