Bir neçə gün əvvəl yenidən həbs olunan keçmiş siyasi məhbus Bayram Məmmədovun vəkilinə onunla görüşməyə icazə verilməyib.
Elçin Sadıqovun Facebook-da yazdığına görə, o, görüşmək üçün Daxili İşlər Nazirliyi İnzibati həbs olunan şəxslərin saxlanılma məntəqəsinə gedib, amma B.Məmmədovla görüşə bilməyib:
Görüş üçün sənədləri təqdim etdim təxminən 20 dəqiqədən sonra bildirdilər ki, otaqları dezinfeksiya etdiklər üçün 3-cü günə qədər görüş verməyəcəklər
Nə baş verib: Heykəl məhbusu kimi tanınan Bayram Məmmədov əfv sərəncamı ilə azadlığa buraxıldıqdan 13 gün sonra yenidən həbs edilib. O, polisin qanuni əmrinə tabe olmamaqda təqsirli bilinib və 30 gün müddətinə inzibati həbs cəzası alıb.
