30 sutka inzibati həbs cəzası verilən gənc fəal Bayram Məmmədovun ailəsi onunla görüşə bilmir.
Gənc fəalın ailə üzvləri bu gün Binəqədi Müvəqqəti Saxlanma Təcridxanasına getsələr də, nə onlara, nə də vəkilə görüşə icazə verilib:
Görüşə icazə vermədilər, azuqəni də götürmədilər. Deyirlər ki, Bayrama olmaz, vəssalam
Nə baş verib: Keçmiş heykəl məhbusu B. Məmmədov əfv sərəncamı ilə azadlığa buraxıldıqdan 13 gün sonra yenidən həbs edilib. O, polisin qanuni əmrinə tabe olmamaqda təqsirli bilinib və 30 gün müddətinə inzibati həbs cəzası alıb. Dünən şikayətinin təmin edilmədiyi Bakı Apellyasiya Məhkəməsində Bayram Məmmədov saxlandıqdan sonra işgəncə ilə üzləşdiyini, döyüldüyünü açıqlayıb.
