Goranboy rayon Polis Şöbəsində ölüm hadisəsi baş verib.
DİN mətbuat xidmətindən Report-a verilən məlumata görə, hadisə axşam saat 20.30 radələrində baş verib.
Yol Polisi 1956-cı il təvəllüdlü İlham Yolçiyevi sərxoş halda avtomobil idarə etdiyi üçün saxlayıb və Polis Şöbəsinə aparıb, orada protokol tərtib edilib. Şöbədən çıxarkən İ.Yolçiyevin halı pisləşib. Dərhal Təcili Tibbi Yardım çağırılsa da onu xilas etmək mümkün olmayıb.
Ailəsinin dediyinə görə, onlarda irsi olaraq ürək damar xəstəliyi var. Sürücünün də bu səbəbdən öldüyü ehtimal edilir. Faktla bağlı Goranboy Prokurorluğunda araşdırma aparılır.
- İ. Yolçiyev Goranlı kənd orta məktəbinin direktor müavini olub.
