Bayram Məmmədovun Apelyasiya məhkəməsinə göndərdiyi şikayətinə 9 apreldə baxılacaq.
Fəal öz şikayətində qanunsuz və əsassız həbs olunduğunu, işgəncədən aldığı xəsarətlər nəticəsində kəskin baş ağrılarının və qusma hallarının olduğu qeyd edilib.
Ailəsindən MeydanTV-yə verilən məlumata görə Baş Prokurorluq müstəntiq ekspertlə birlikdə aprelin 8-də Bayram Məmmədovu dindiriblər.
Nə baş verib: Əfv sərəncamı ilə azadlığa buraxılan fəal 13 gün sonra təkrar 30 sutkalıq həbs cəzası alıb. O, polisin qanuni əmrinə tabe olmamaqda ittiham edilir. 3 apreldə baş tutan Apelyasiya məhkəməsində məlum olub ki, o , inzibati həbs olunanların saxlanma məntəqəsində döyülüb, müxtəlif bədən xəsarətləri alıb.
Buna da bax: Bayram Məmmədov niyə mütləq xəstəxanaya köçürülməlidir?
Narahatlığın səbəbi: Binəqədidəki İnzibati həbs olunanların saxlanma məntəqəsindən çıxan məhbusların verdiyi məlumata görə, Bayram Məmmədovun ağrıları şiddətlənməkdədir. O, başından çoxlu zərbələr alıb, baş gicəllənmələri var və hər axşam qusur…
