Foto: mikroskop media

Azərbaycan hökuməti ölkəyə idxal olunan soğana gömrük rüsumunu ləğv edib.

İqtisadiyyat və Kənd Təsərrüfatı nazirliklərinin birgə yaydığı məlumatda deyilir ki, son vaxtlar daxili bazarda kartof, soğan və kələmin qiymətlərində baş verən ciddi artım ilə əlaqədar Nazirlər Kabineti beynəlxalq təcrübəyə uyğun qərar verib.

Qərara əsasən, kartofun ixracına bu il aprelin 30-na qədər, soğan və kələmin ixracına isə mayın 31-nə qədər ixrac rüsumu tətbiq edilib. Bundan başqa, soğanın idxalına tətbiq olunan spesifik rüsum həmin müddətə qədər ləğv edilib.