Daxili İşlər Nazirliyi (DİN) fəal Bayram Məmmədova işgəncə verilməsi barədə yayılan xəbərlərin əsassız olduğunu açıqlayıb.
DİN-in mətbuat xidmətinin rəis müavini Orxan Mansurzadə Qafqazinfo-ya deyib ki, döyülmə nəticəsində B.Məmmədovda başgicəllənmə və qusmalar olması ilə bağlı xəbər əsassızdır:
İctimai diqqəti cəlb etmək üçün belə fikirlər yayırlar. İnzibati Həbs Olunanların Saxlanma Məntəqəsi bu yaxınlarda yenidən qurulub və ən müasir tələblərə cavab verir. Orada saxlanıların hüquqlarının təmin olunması, yaxınları ilə görüşməsi, qida ilə təmin olunması üçün tam şərait yaradılır. Bu xidmətdə nazirlik, prokurorluq, Ombudsman aparatı və digər ictimai nəzarətlə məşğul olan təşkilatlar mütəmadi monitorinq keçirir. Orada hər tərəf kameralarla təchiz edilib. Ümumiyyətlə, orada heç kimi döymürlər. Bu iddiaların yayılması başqa məqsəd daşıyır
Onun sözlərinə görə, həmin məlumat yayılan gün Ombudsman aparatı xəbərdar etmədən birbaşa başvurma həyata keçirib və deyilənlərin heç biri öz təsdiqini tapmayıb.
Nə baş verib: Əfv sərəncamı ilə azadlığa buraxılan fəal 13 gün sonra təkrar 30 sutkalıq həbs cəzası alıb. O, polisin qanuni əmrinə tabe olmamaqda ittiham edilir. 3 apreldə baş tutan Apelyasiya məhkəməsində məlum olub ki, o , inzibati həbs olunanların saxlanma məntəqəsində döyülüb, müxtəlif bədən xəsarətləri alıb.
