Bakı şəhəri 162 nömrəli tam orta məktəbdə şagirdin intihar etməsilə bağlı Təhsil Nazirliyində iclas keçirilib.
Nazirliyin yaydığı məlumatda deyilir ki, iclasda hadisənin təfərrüatlarının araşdırılması məqsədilə yaradılan xüsusi komissiyanın üzvlərinin məlumatları dinlənilib. Daha sonra xidməti araşdırmanın nəticələri qərar qəbul edilməsi üçün təhsil nazirinə təqdim edilib.
Nə baş verib: Aprelin 4-də 162 nömrəli orta məktəbin şagirdi Elina Hacıyeva özünü məktəbin 3-cü mərtəbəsindən yerə atıb. Elə həmin gün Bakı Şəhəri üzrə Təhsil İdarəsində hadisənin xidməti araşdırılması üçün müvafiq komissiya yaradılıb. Aprelin 6-da, Elina Hacıyeva vəfat edib və Bakı şəhəri Səbail rayon prokurorluğunda Cinayət Məcəlləsinin 125-ci maddəsi ilə cinayət işi başlanıb.
