Foto: Council of Europe / Candice Imbert

Strasburqda, AŞPA-nın Yaz Sessiyasında “Korrupsiya maşını: mütəşəkkil cinayətkarlığa və çirkli pulların yuyulmasına qarşı beynəlxalq təhlükələrə reaksiya” adlı (2279) qətnamə qəbul edilib.

Turan yazır ki, Avropa Şurasısı əvvəlki, “Azərbaycan landromatı” məruzəsində əks olunan faktlardan narahatdır.
Həmin məruzədə Azərbaycan nümayəndələrinin böyük məbləğdə çirkli pulları yumasından, Avropa xadimlərinin və deputatlarının ələ alınmasından söhbət gedirdi. AŞPA bu məqsədlə Azərbaycandan 2,9 mlrd. dolların çıxarılması faktını diqqətə çatdırıb.

Məruzədə deyilir ki, buna görə məsuliyyəti biznesmenlər, mütəşəkkil cinayətkar qruplar və hökumət daşıyır.

Azərbaycandan pulun böyük hissəsi Danske Bankın Estoniya filialı vasitəsilə daxil olurdu. Pulların əsas alıcısı italiyalı deputat Luka Volonte, habelə belçikalı Alen Deksteş, alman Karl Strents və Eduard Litner və Sloveniyadan Zmaqo Yelinçiça Plemeniti idi.

Məruzədə o da vurğulanır ki, AŞPA-nın bu iddiaların qərəzsiz araşdırılmasına başlamaq barədə çağırışı yer alan 2185 saylı qətnaməsinə (2017-ci il) baxmayaraq Azərbaycan hakimiyyəti heç nə etməyib.

Azərbaycan hakimiyyəti çirkli pulların yuyulması hallarını tam və səmərəli şəkildə araşdırmağa, müvafiq cinayətləri törədənləri məsuliyyətə cəlb etməyə və cəzalandırmağa, müstəqil vətəndaş cəmiyyətinin və KİV-lərin hüquq və azadlıqlarına hörmət etməyə, AŞPA üzvlərinin korrupsiya faktlarını aşkar edən AŞPA-nın 2185 (2017) saylı qətnaməsinə dərhal cavab verməyə çağırılıb.

  • AŞPA oxşar korrupsiya hallarının Moldova və Latviyada da müşahidə olunduğunu deyir.