İsrail Seçki Komissiyası aprelin 9-da keçirilən parlament seçkilərinin rəsmi nəticələrini açıqlayıb.
“Yediot Aharonot” qəzetinin məlumatına görə, seçkidə baş nazir Benyamin Netanyahunun lideri olduğu “Likud Partiya”sından 36 millət vəkili seçilib və baş nazir qalib olub. Onun ən böyük rəqibi, İsrail Ordusunun sabiq Baş qərargah rəisi Beni Hansın rəhbərlik etdiyi Mavi-Ağ İttifaqından (“Kahol-Lavan”) isə parlamentə 35 millət vəkili seçilib.
Digər partiyaların parlamentdə tutduğu yerlərin sayı:
- “İsrail Evimiz” partiyası – 5 yer
- Ərəb İttifaqı – 6 yer
- “Meretz” (Güç) – 5 yer
Seçkilərdə “Likud Partiyası”nın liderlik etdiyi sağ blokdan ümumilikdə 65 millət vəkili seçilib. Bu isə o deməkdir ki, yeni hökuməti sağ blok quracaq.
- İsraildə hökuməti qurmaq üçün parlamentdə ən az 61 millət vəkili ilə təmsil olunmaq lazımdır. Bu dəfəki seçkidə heç bir partiya təklikdə həmin saya yaxınlaşa bilmədiyi üçün İsraili koalisiya hökuməti gözləyir. Seçki Komissiyasının 17 apreldə nəticələri təsdiqləməsindən sonra prezident Reuven Rivlin partiya liderlərindən birinə koalisiya hökumətinin qurulması barədə göstəriş verəcək.
