Bakıdakı “Təzəpir” məscidi ətrafında aparılan qazıntı işləri zamanı qədim hamamın qalıqları ortaya çıxıb.
Virtualaz.org yazır ki, tikilinin qalıqları ekskavatorların tırtılları altında qalıb və dağılıb.
“Təzəpir” məscidinin nümayəndəsi Məhəmməd Qasımov hesab edib ki, həmin hamam tarixi abidə deyil. Təzə hamamdır və sovet dövründə tikilib. Məscidin nümayəndəsi sovet dövründə tikilən binanın niyə torpaq altından çıxdığını isə bilməyib.
Hamamın qalıqları barədə Mədəniyyət Nazirliyi, Dövlət Şəhərsalma və Arxitektura Komitəsi və ya digər müvafiq orqanlara məlumat verilməyib.
Hamam necə tapılıb: “Təzəpir” məscidinin genişləndirilməsi üçün binanın yaxınlığında qazıntı işləri gedir. Layihəyə əsasən məscidə əlavə iki minarə, kitabxana və qazanxana binaları tikiləcək, habelə ətrafı hasarlanacaq. Hamam həmin qazıntı zamanı ortaya çıxıb.
