Nazirlər Kabineti kirayədə yaşayan polis, prokurorluq əməkdaşları və hərbi qulluqçulara pul kompensasiyasının məbləği və ödənilməsi qaydalarına dəyişiklik edib.
Dəyişikliklə bağlı sənədi Baş Nazir Novruz Məmmədov imzalayıb.
Dəyişiklikdə bunlar nəzərdə tutulub:
- Xidmət yerinin dəyişdirilməsi ilə əlaqədar yaşayış yeri olmayan daxili işlər orqanları əməkdaşlarına,
- Hərbi qulluqçulara (müddətli həqiqi hərbi xidmət hərbi qulluqçularından başqa) və hərbi qulluqçu hazırlayan xüsusi təyinatlı təhsil müəssisələrinin ailəli kursantlarına
- Yaşa, xəstəliyə, ailə vəziyyətinə görə, habelə 5 təqvim ili xidmət etmiş, ştatların ixtisarına görə ehtiyata və ya istefaya buraxılmış və yerli icra hakimiyyəti orqanlarında mənzil uçotuna götürülmüş zabitlərə, gizirlərə, miçmanlara,
- Miqrasiya orqanlarında qulluq yerinin dəyişdirilməsi ilə əlaqədar yaşayış yeri olmayan işçilərə və onların ailə üzvlərinə kirayə üçün verilən kompensasiya
- Bakıda 47 manatdan 150 manata,
- Başqa şəhər və rayon mərkəzlərində 33 manatdan 75 manata
- Digər yaşayış məntəqələrində 27 manatdan 55 manata çatdırılıb.
- Gəncə, Naxçıvan, Sumqayıt, Xırdalan şəhərləri və Abşeron rayonu üçün isə 100 manat müəyyən edilib.
Qərar martın 1-dən qüvvəyə minib.
