Şri-Lankada baş verən partlayışlar nəticəsində ölənlərin sayı 359-a çatıb.
Anadolu Agentliyi yazır ki, dünən gecə polisin apardığı əməliyyat zamanı 18 nəfər şübhəli şəxs qismində saxlanılıb və hadisəyə görə saxlanılanların sayı 58-ə çatıb.
ABŞ prezidenti Donald Trampın dəstək olacağı barədə vədinə əsasən hazırda Federal Təhqiqatlar Bürosu (FBI) əməkdaşlarının terror hücumları ilə bağlı istintaqa kömək üçün Şri-Lankada olduğu bildirilir.
Nə baş verib: Şri-Lankanın paytaxtı və ona yaxın bölgələrdə gün ərzində ümumilikdə 8 partlayış törədilib. Terrorçular 3 kilsə, 3 otel və daha 2 yerdə partlayış törədib. Yüzlərlə insan ölüb, 500-dən çoxu yaralanıb. Terror aktını “Milli Tavhid-Camaatı” adlı radikal müsəlman qruplaşmasının 7 terrorçu-kamikadze ilə törətdiyi məlum olub.
