Rusiyada səfərdə olan Şimali Koreya lideri Kim Çen In ölkə prezidenti Vladimir Putinlə görüşüb.
Sputnik yazır ki, görüş Vladivostok şəhərindəki Uzaq Şərq Federal Universitetində baş tutub.
Kameralar önündə salamlaşan iki lider təkbətək görüşdən öncə qısa açıqlama verib.
Putin Kimin Rusiya səfərinin iki ölkə arasındakı münasibətlərin inkişafına xidmət etdiyini deyib:
Bu səfərin Koreya yarımadasındakı vəziyyəti necə düzəldə biləcəyimiz, birlikdə nələr edə biləcəyimiz və Rusiyanın hazırda gedən prosesi dəstəkləmək üçün hansı addımları ata biləcəyi barədə kömək edəcəyini düşünürəm. Əlbəttə, Şimali Koreyanın Cənubi Koreya və eləcə də ABŞ ilə münasibətlərini normallaşdırmağa çalışmasından məmnunuq
Kim Çen In da Putinin sözlərini dəstəkləyib:
Koreya yarımadasındakı vəziyyət bütün dünyanın diqqətindədir. Ümid edirəm ki, bu görüş vəziyyəti dəyərləndirmək və fikir mübadiləsi etmək baxımından faydalı olacaq
- Kim Çen In vəzifəyə gəldiyi 2011-ci ildən bəri Çin lideri Si Çzinpin ilə 4 dəfə, Cənubi Koreya lideri Mun Çje İn ilə 3 dəfə, ABŞ prezidenti Donald Trampla 2 dəfə görüşüb.Sputn
