Bakı Apellyasiya Məhkəməsi Müsavat Partiyası Gənclər Komitəsinin sədri Əbülfəz Sadıqbəylinin şikayətini təmin etməyib.
Qaradağ Rayon Məhkəməsinin 1 il 11 ay şərti həbs cəzası ilə razılaşmayan Ə.Sadıqbəyli Apellyasiya Məhkəməsindən bəraət istəyib.
Ancaq məhkəmə birinci instansiya məhkəməsinin hökmünü qüvvədə saxlayıb.
Ə.Sadıqbəyli kassasiya şikayəti verəcəyini söyləyib.
Nə baş verib: Əbülfəz Sadıqbəyli 2018-ci ilin noyabrında həbs olunub. O, dələduzluq və saxta sənəd hazırlayıb ondan istifadə etməkdə ittiham olunub. Gənc fəalın fevralın 20-də baş tutan məhkəməsində Nikoyl Bank ona qarşı mülki iddiadan imtina edib və şikayətçi olmadıqları haqqında barışıq ərizəsi təqdim edib. Martın 6-da Qaradağ Rayon Məhkəməsi ona 2 il 6 ay şərti cəza verib. Onun həbsdə saxlandığı günlərə görə, cəzasından 7 ay çıxılıb, üzərində 1 il 11 ay azadlığın məhdudlaşdırılması cəzası saxlanılıb.
